RAJONI
Aksident horror në Selanik: 21-vjeçari shqiptar pa patentë shkel semaforin dhe përplas për vdekje babain e dy fëmijëve, më pas tenton të largohet
Një aksident i rëndë ka ndodhur në mesnatë në qytetin e Selanikut në Greqi, me protagonist një 21-vjeçar shqiptar, raportojnë mediat e vendit fqinj.
Sipas dëshmitarëve, i riu shqiptar ishte duke bërë gara me një makinë tjetër, teksa kaloi në semafor me të kuqe, dhe përplasi një 47-vjeçar me motor.
Menjëherë pas aksidentit, 21-vjeçari shqiptar, që raportohet se nuk kishte as leje drejtimi, ka tentuar të braktisë makinë dhe të largohet nga vendi i ngjarjes, por është ndaluar disa metra më larg.
Përplasja ka qenë aq e fortë sa që motori i viktimës u nda në dy pjesë ndërsa copat u gjetën deri në 200 metra larg vendit të aksidentit.
Shqiptari ishte duke ngarë një Audi sportive.
