Artan Hoxha bën deklaratën e FORTË: Nëse thellohen hetimet për Rezart Taçin, zbulohet një vrasje 200 mijë euro
Gazetari Artan Hoxha ka bërë një deklaratë të fortë mbrëmjen e sotme, duke thënë se nëse thellohen hetimet për Taçin, do të zbardhet një vrasje 200 mijë euroshe. Sipas tij për të hetuar Taçin, sot është më e lehtë pasi aktualisht ai nuk e ka fuqinë dhe lidhjet me politikanët që ka patur dikur.
“Taçi është i dyshuar nuk është fajtor deri në një vendim të Gjykatës së Apelit, aktualisht ai ka statusin e të dyshuarit. Kemi të bëjmë me një person të dyshuar që ka qenë i dyshuar edhe më parë dhe gjithmonë ka mbijetuar.
Ne i dimë dëmet. Kujtojmë çfarë ndodhi me Armon me privatizimin e Armos, me sekuestrimin… Ai gjithmonë ka mbijetuar. Ajo që dua të kujtoj është se rasti me azerët është shumë i rëndë. Nëse do ketë hetim serioz do zbulohen dhe krime të tjera. Të tipit vrasje, 200 mijë euroshe.
Nëse do hetohet aty do dalin shumë gjëra, besoj se sot situata është më e favorshme se në të kaluarën për të hetuar persona si Taçi, sepse se ka më fuqinë që kishte, lidhjen me politikën. Hetimin e bën SPAK-u, Taçi s’e ka më atë pushtet. Njerëzit me të cilët ka mbajtur kontakt Taçi sot janë të pafuqishëm”, tha Artan Hoxha në Abc News.