Atentati në Vlorë! Ja kush është 33-vjeçari i cili mbeti i plagosur rëndë, para 4 vitesh i kishin vendosur tritol në lokal (EMRI+DETAJET)
Një atentat me eksploziv ka tronditur qytetin e Vlorës pasditen e sotme. Në këtë atentat i plagosur rëndë mbeti Indrit Sadedini, 33 vjeç.
Shpërthimi i fuqishëm ndodhi pranë automjetit te tij në lagjen “10 korriku” shumë pranë Lungomares.
Sadedini dyshohet se ka qënë duke kaluar poshtë pallatit të tij dhe në momentin që ka kaluar pranë një trotuari aty ka shpërthyer lënda plasëse tip tritol.
Mësohet se Sadedini kishte konflikte të mëparshme, pasi në 2017 ishte vendosur përsëri tritol në lokalin e tij, por e pikasi në kohë dhe u hoq nga forcat xhenjerë.
Asokohe gjatë dëshmisë para hetuesve, Sadedini ka thënë se nuk e ka idenë kush mund ta ketë vendosur eksplozivin dhe nuk dyshonte tek askush.
Burime për mediat bëjnë me dije se biznesmeni ndodhet në gjendje të rëndë shëndetësore dhe i janë prerë të dy gjymtyrët e poshtme nga shpërthimi.
Grupi hetimor po punon për zbardhjen e plotë të ngjarjes pasi dyshohet si ai ishte i perfshirë në trafik të lëndëve narkotike.