Bëhuni gati për plazh! Nga nesër rriten temperaturat në vendin tonë
Në ditët në vijim në vendin tonë do të mbizotërojnë temperatura të larta. Duke filluar nga dita e nesërme temperaturat do të pësojnë rritje, deri në 30°C në zonat e ulëta.
Nga nesër mbi vendin tonë depërtojnë masa ajrore të qëndrueshme dhe të thata me origjinë jugperëndimore.
Në këtë mënyrë moti parashikohet i kthjellët në të gjithë territorin përjashtuar vranësirat e pakta kalimtare në relievet e larta malore.
Për shkak të masave ajrore jugore duke filluar nga nesër pritet edhe rritja e temperaturave kryesisht në ato të mesditës.
Era do të fryjë me drejtim kryesor nga kuadrati i veriut dhe shpejtësi mesatare 1-5m/s ndërsa përgjatë vijës bregdetare dhe lugina era deri në 6-8m/s.
Temperaturat parashikohen:
në zona malore 6 deri 24°C në zona e ulëta 8 deri 30°C në zona bregdetare 10 deri 28°C
