MOTITË NDRYSHME
Bëni gati çadrat dhe xhupat! Moti me reshje do të pushtojë gradualisht vendin
Shqipëria do të përfshihet nga një mot i paqëndrueshëm duke filluar nga dita e hënë. Temperaturat e ulta dhe reshjet e shiut dhe të dëborës në lartësitë e mëdha do të zëvendësojnë temperaturat pranverore të kësaj fundjave.
Moti me reshje do të pushtojë gradualisht vendin, duke nisur nga jugu e jug-perëndimi deri kur të martën dhe të mërkurën të përfshijë të gjithë vendin.
Parashikon reshje të dendura, sidomos në jug të vendit dhe në zonat e ulta, ndërsa në zonat malore, kryesisht në veri-lindje reshjet do të jenë në formën e dëborës.
Sipas parashikimeve, moti i ashpër dhe me reshje të dendura shiu do të vijojë përgjatë të gjithë javës së ardhshme.
