Berisha sulmon Bashën për shpalljen e zgjedhjeve në FRPD: Nëj akt stalinist! Të rinjtë nuk janë leva e partisë
Ish-kryeministri Sali Berisha ka sulmuar Lulzim Bashën nga Foltorja e Lushnjes, pasi kryedemokrati shpalli zgjedhjet për kryetar dhe strukturat drejtuese në Forumin Rinor të Partisë Demokratike.
Ai tha se të rinjtë nuk janë leva e partisë, teksa shtoi se në këtë formë që ka vepruar kryetari Basha, mund të vepronte vetëm diktatori.
“Ka vendosur pa pyetur udhëheqjen e rinisë së PD-së në kokë të tij krijimin e një komisioni për të bërë zgjedhjet në forumin rinor. Një akt stalinist, i mirëfilltë dhe i dukshëm.
Të rinjtë tek ne dhe gratë nuk janë leva të partisë, janë forume me të cilat ne ndajmë të njëjtat vlera dhe principe dhe qëllime, kanë vendin dhe pavarësinë e tyre.
Në këtë formë si ka vepruar sot, kryetari pa parti, në këto 30 vite nuk ka vepruar kurrë një njëri i vetëm, këto mund ti bënte vetëm diktatori.
Ndaj u bëj thirrje të rinjve, të marrin në dorë këtë foltore sikur po e marrin cdo ditë e më shumë”, tha Berisha.