Biden ‘zbarkon’ në Europë, harron planet për axhendën e brendshme prej triliona dollarësh
Presidenti i SHBA Joe Biden ka mbërritur në Evropë për dy samite ndërkombëtare, duke e lënë në harresë axhendën e tij të brendshme prej 2.75 trilion dollarësh në Uashington.
Zoti Biden kishte shpresuar të trumbetonte një paketë mjedisore të favorshme për liderët e tjerë botërorë në një konferencë klimatike në Mbretërinë e Bashkuar.
Por kolegët e tij demokratë braktisën planet për një votim të enjten, duke e lënë të gjithë platformën e tij në ajër.
Biden, vlerësimi i miratimit të të cilit ka rënë, tha se vetë presidenca e tij ishte e varur në balancë.
Ai zbarkoi në Romë herët të premten për një samit të G20 ku planet për një taksë minimale globale do të jenë në axhendë.
Presidenti i dytë katolik i Amerikës do të takohet gjithashtu me Papa Françeskun në Vatikan të premten.
Më pas ai do të shkojë në Skoci të dielën në mbrëmje për konferencën e Kombeve të Bashkuara për klimën, COP26, në Glasgow.
Zoti Biden do të kërkojë të projektojë mesazhin se SHBA është kthyer në luftën kundër ngrohjes globale pasi paraardhësi i tij, Donald Trump, u tërhoq nga marrëveshja e Parisit për klimën.
