AKTUALITET
Bora zbardh Korçën! Mjetet bllokohen në afërsi të Voskopojës , arrin deri në 40 cm trashësia në fshatin Panarit
Rreshjet e borës kanë vijuar gjatë gjithë natës në qarkun juglindor.
Nga informacionet e deri më tanishme, mësohet se trashësia në Dardhë ka arritur në 30 cm, prej km të 7 e në vazhdim. Qarkullimi bëhet me zinxhirë. Ndërsa në Voskopojë, bora deri në 10 cm.
Mbrëmjen e djeshme 4 mjete janë bllokuar në afërsi të Voskopojës por ndërhyrja e borëpastrueses dhe ndihma e qytetarëve me mjete të larta kanë hapur qarkullimin. Të gjitha akset nacionale janë të hapura e të qarkullueshme pa probleme.
Më tepër se 40 cm raportohet bora në fshatin Panarit. Lëvizja e banorëve u bllokua. E pamundur që ata të qarkullojnë drejt fshatrave fqinjë.
