Dita e Rinisë, Lulzim Basha nxjerr videon nga takimi në Tiranë, i dërgon një mesazh Berishës
Kryedemokrati Lulzim Basha ka postuar në instagram një video nga 8 dhjetori, një takim i mbajtur sot me të rinjtë në kuadër të Ditës Kombëtare të Rinisë, duke i dërguar dhe një mesazh ish-liderit historik demokrat, Sali Berisha.
Basha shkruan se gjatë këtyre viteve ne mësuam mbi të gjitha se çfarë do të thotë individualitet dhe se secili është i shenjtë në individualitetin e vet, askush s’mund t’i mbivendoset askujt tjetër.
Kjo koinçidon me deklaratën e herëpashershme që ka bërë Basha kundër ish-kryeministrit Berisha, duke deklaruar se Berisha po përdor PD-në për interesa personale.
“Në 8 Dhjetorin e 31 viteve më parë, guximi e mposhti frikën dhe solli pluralizmin. Ishte një rrugë e vështirë, pikërisht prej natyrës së komunizmit shqiptar, prej terrorit që mbizotëronte dhe kultit të individit.Gjatë këtyre viteve ne mësuam mbi të gjitha se çfarë do të thotë individualitet. Secili është i shenjtë në individualitetin e vet, askush s’mund t’i mbivendoset askujt tjetër. Të gjithë jemi të barabartë para ligjit, para Zotit”– shkuan Basha.
