Ditë e gëzuar për ‘Rraketën’, Fieraku Odise Roshi bëhet baba për herë të parë
Sulmuesi i Kombëtares dhe ekipit turk të Boluspor, Fieraku Odise Roshi ka ndarë pak momente më parë në “Instagram” lajmin e mirë se është bërë baba për herë të parë.
“Mirë se erdhe në këtë botë, engjëll i vogël”, shkruan fillimisht 30-vjeçari, teksa më poshtë bën publik edhe emrin.
“Të dua Rois“, vazhdon anësori me postimin që shoqërohet me një foto të dorës së djalit.
“Rraketa” nuk është duke kaluar një moment shumë pozitiv në karrierën e tij pasi në merkaton e verës që lam pas ai u largua nga Ahmat Grozny për t’u transferuar në ligën e dytë turke te Boluspor ku ka kontratë vetëm për një sezon.
Roshi ishte i grumbulluar nga Edi Reja për ndeshjet e Kombëtares në fillimin e tetorit ku mori disa minuta që i mjaftuan për të treguar cilësitë e tij.
