BOTA
Drejtohej nga dy vëllezërit shqiptarë, policia italiane shkatërron grupin e trafikantëve të drogës
Policia italiane ka shkatërruar një grup trafikantësh lëndësh narkotike, duke arrestuar disa persona në qytete të ndryshme si Emilia-Romagna, Veneto, Piemonte dhe Lombardi.
Operacioni i koduar “Maffi” u zhvillua mëngjesin e sotëm, ku u arrestuan 10 persona, teksa për 5 prej tyre u vendos masa e sigurisë “arrest në burg”, 4 në arrest në shtëpi, ndërsa për një është caktuar detyrim paraqitje.
Sipas mediave italiane, kjo organizatë drejtohej nga dy vëllezër me origjinë shqiptare, të cilët banonin në Holandë. Gjatë operacionit, policia sekuestroi rreth 7.5 kilogramë kokainë, një plantacion kanabisi me 93 bimë, 14 gramë marijuanë dhe mbi 10 mijë Euro cash, që dyshohet se janë fituar nga aktiviteti kirminal.