Dy humbje jete dhe 11 të plagosur nga disa aksidente në rrugët e Shqipërisë
Dy viktima dhe 11 të plagosur, ky është bilanci i disa aksidenteve rrugore të ndodhura këtë të dielë në Shqipëri.
Mbrëmjen e sotme në rrugën Fushë Krujë-Tapizë, një mjet tip “Benz” aksidentoi një këmbësor, i cili si pasojë e përplasjes ndërroi jetë. Pas aksidentit shoferi braktisi makinën dhe u largua, ndërkohë policia po punon për kapjen e tij.
Më herët gjatë mesditës, në Qafë-Thanë një 60-vjeçar, shofer i një furgoni humbi jetën, pasi u përplas me një autobus.
Si pasojë e aksidentit mbetën të plagosur edhe 4 pasagjerë të autobusit.
Ndërsa në Shijak, si pasojë e përplasjes së dy makinave mbeten te plagosour nje shofere dhe 3 pasagjerë.
Ndërkohë në orët e mbrëmjes, në rrugën Milot-Rrëshen, në hyrje të qytetit të Rrëshenit, automjeti me drejtues shtetasin A.Gj., është përplasur me automjetin me drejtues shtetasin Sh.P., ku si pasojë kanë marrë dëmtime të dy drejtuesit e mjeteve, si dhe shtetasi P.Ll., i cili ishte pasagjer në njërin nga automjetet.
Grupi hetimor ndodhet në vendngjarje dhe po punon për sqarimin e plotë të shkakut dhe rrethanave të ngjarjes.
