Dyshohej për bombë me telefon, policia nxjerr njoftimin zyrtar për objektin e gjetur në Tiranë
Në orët e para të mëngjesit të sotëm, pranë zonës së Brrylit në Tiranë u raportua për një objekt dyshues në rrugë që në fillim u raportua si një “bombë me telefon”.
Tashmë policia ka kryer veprimet e nevojshme dhe është siguruar mbi objektin që alarmoi qytetarët dhe banorët e zonës. Sipas njoftimit zyrtar të policisë, objekti i gjetur në rrugë ka qenë një GPS lokalizues.
Njoftimi zyrtar i Policisë
Tiranë/Informacion shtesë
Në vijim të informacionit paraprak të dhënë pak më parë në lidhje me sendin e dyshimtë në dukje si radio, që përdoret nga shoqëritë private të ruajtjes dhe sigurimit fizik të objekteve, i cili u konstatua në trotuar, në rrugën “Martin Canaj”, ju bëjmë me dije se:
Pas mbërritjes së grupit të ekspertëve antieksploziv të RENEA-s dhe bërjes së ekspertizës nga ana e tyre rezultoi se sendi i konstatuar është GPS lokalizues.