Eurostar teston skanimin e fytyrës, do zëvendësojë kontrollin e pasaportës dhe biletave
Udhëtarët e transportit hekurudhor në Paris së shpejti do të lejohen të qarkullojnë me një skanim të fytyrës së tyre, pasi kompania e transportit “Eurostar International” testoi një sistem dixhital për kontrollet e biletave dhe pasaportave në Londër.
Për dy javë nga fundi i nëntorit, Eurostar do të ftojë disa klientë që të japin identitetin, pasaportën dhe detaje të tjera para se të udhëtojnë. Kjo do t’i lejojë ata të anashkalojnë kontrollin e biletave pas mbërritjes në St Pancras dhe Britaninë e Madhe si dhe të asnashkalojnë kontrollin e pasaportave. Pasagjerët do të duhet të tregojnë dokumentet e tyre te rojet kufitare franceze para se të marrin trenin në Londër.
Eurostar është treni i vetëm me shpejtësi të lartë që lidh drejtpërdrejt Britaninë e Madhe me Francën dhe Belgjikën përmes tunelit të La Manshit.