AKTUALITETVIDEO
Gjanica ‘pushtohet’ nga mbetjet hidrokarbure, era e keqe ‘irriton’ qytetarët: Nuk do bëhet dot rehabilitimi i lumit nëse vijon kjo ndotje (VIDEO)
Gjanica vazhdon të jetë e ndotur nga mbetjet hidrokarbure të cilat derdhen kohë pas kohe në ujërat e lumit. Era e keqe ndjehet kudo, ndërsa derdhjet e hidrokarbureve në lum dallohen fare qartë edhe me sy të lirë.
Fakti është i njohur edhe nga qytetarët të cilët kërkojnë reagimin e shpejtë të institucioneve përgjegjëse, pasi kjo ndotje hedh poshtë edhe të gjithë ivestimin e bërë për rehabilitimin e lumit dhe shtratit te tij, punime që vazhdojne ende në një pjesë.
Edhe pse kjo është një situatë e përsëritur nga ana e inspektoratit të mjedisit ende nuk ka nje fajtor, ndërsa edhe gjobat e vendosura përgjate këtyre viteve ende nuk janë vjelë, duke përfunduar nëpër procese gjyqësore.
