AKTUALITETKRONIKËLAJMI FUNDIT
Gjykata e Fierit lë në burg edukatoren, ishte përgjegjëse për 3 vjeçarin që humbi jetën ne kopshtin “Flatrat e Dijes”
Redina Binjaku, edukatorja 27 vjeçare e kopshtit privat “Flatrat e Dijes”, është lënë në burg nga Gjykata e Fierit. Seanca për masën e sigurisë është mbajtur paraditen e sotme dhe togat e zeza kanë dhënë “Arrest me burg” me afat 30 ditor për 27 vjeçaren.
Sipas Policisë, e reja ishte përgjegjëse për fëmijët e kopshtit privat ku humbi jetën ditën e shtun një fëmijë 3 vjeç.
Shkaqet e ngjarjes së rëndë janë ende të paqarta. Familjarët e vogëlushtit thonë se ngjarja është manipuluar dhe se në kopshtin “Flatrat e Dijes” nuk kishte kamera. Paraprakisht, është thënë se fëmija 3 vjeç është mbytur me kapuçine xhupit.