Dinamo ka humbur sot “finalen” e mbijetesës ndaj Kastriotit. Një humbje që komplikon shumë situatën e saj në Superiore dhe afron rënien në Kategorinë e Parë. Një situatë kaotike është krijuar edhe pas ndeshjes. Pas përfundimit të ndeshjes, në dalje të stadiumit “Elbasan Arena”, te parkingu i zakonshëm, nuk gjendej autobusi i skuadrës kryeqytetase që duhej të kthente lojtarët në shtëpi.
Nuk dihet ende nëse kjo ishte një masë disiplinore, apo një taktikë për të evituar ndonjë përplasje me tifozët. Disa nga lojtarët e bluve kanë mbetur të çuditur teksa nuk kanë gjetur autobusin e tyre te vendi i zakonshëm jashtë “Elbasan Arena”.
