I shpëtoi atentatit me 7 plumba nga efektivi i policisë, arrestohet Juxhin Aliaj në mes të Vlorës duke pirë kafe
Policia e Vlorës sot pas disa ditësh kërkim ka vënë në pranga djalin e kryeplakut të Kaninës, Juxhin Aliaj.
Sipas informacioneve paraprake, Aliaj është arrestuar në një lokal në qytetin bregdetar teksa ishte duke konsumuar kafe.
Kujtojmë se më datën 30 Prill, efektivi i “Delta Force”, Lisjan Myrtaj, u përfshi në një konflikt me armë me Juxhin Aliaj.
Myrtaj u arrestua më 30 prill nga kolegët e tij të Agjencisë së Mbikqyrjes Policore, teksa u lirua vetëm dy ditë më parë.
Më herët u bë me dije se në lagjen “10 korriku” ka pasur të shtëna nga më shumë se një armë pasi janë gjetur dy lloje gëzhojash, një model që i përket armës së punës së policit Lisjan Myrtaj dhe modeli tjetër dyshohet se Juxhin Aliaj.
Shkak për ngjarjen është bërë një vajzë e cila në momentin e të shtënave ka qenë në shoqërinë e Juxhin Alirajt, djali i kryeplakut të Kaninës. Kur efektivi Lisjan Myrtaj e ka parë vajzën në shoqërinë e djalit tjetër, ka hapur zjarr në drejtim të tij.
Dyshimet që mbështeten dhe në provat e gjetura në vendngjarje, tregojnë se dhe djali i kryeplakut ka qenë i armatosur dhe është kundërpërgjigjur. Makina tip Mercedes Benz ML që drejtohej nga Juxhin Aliaj ka shenja të shkaktuara nga plumbat.
