Ish-klubin e kishin kthyer në fermë kanabisi, arrestohen dy shqiptarët në Angli (EMRI-FOTO)
Dy shqiptarë kanë rënë në prangat e policisë pasi një ish-klub nate Carlisle e kishin kthyer në fermë kanabisi.
Policia ishte njoftuar nga banorët të cilët ishin ankuar se në lagjen e tyre vinte era kanabis. Gjatë kontrollit policia në fermën e kanabisit kapi Andiol Mucollin, 25 vjeç edhe 42-vjeçarin Iirjan Jaho.
Gjatë një kontrolli të detajuar në ndërtesën e ish-Klubit, policia gjeti 1700 bimë kanabisi, ndërsa 276 prej të cilave ishin thjesht trungje në vazo që tashmë ishin korrur. Vlera e mundshme e drogës ishte rreth 1.6 milionë paund.
Të dy të arrestuarit pranuan akuzë për prodhimin e kanabisit. Ata folën për udhëtimin në Mbretërinë e Bashkuar pasi kishin lënë familjen në atdheun e tyre dhe se ndiheshin nën presion për t’u përfshirë në ndërmarrjen e paligjshme për të shlyer borxhet.