AKTUALITET
“Jemi vend i vjedhur, jo i varfër”/ Qytetarët protestojnë para Kryeministrisë kundër rritjes së çmimeve: Kërkojmë drejtësi dhe jo mëshirë!
Qindra qytetarë janë mbledhur mbrëmjen e sotme për të protestuar para Kryeministrisë kundër rritjes së çmimeve në vend.
“Ne s’jemi vend i varfër por jemi vend i vjedhur. Nëse Rama do zgjidhje mund të heqë dorë nga korrupsioni nga pasurimi i miqve të vetë dhe të bëjë detyrën”, tha një qytetare.
“Nuk kërkoj mëshirë, kërkoj drejtësi”, tha një tjetër qytetar. “I kërkojmë kryetarit të bashkisë, mos na rrisni çmimet”, thotë një protestues.
Kjo është protesta e tretë e zhvilluar brenda pak ditëve, ku qytetarët kërkojnë nga qeveria që të mos rrisë çmimet e produkteve dhe energjisë elektrike, pasi për ta kjo është një kosto e papërballueshme.