Ka marrë pjesë në 13 Foltoret, ky është lushnjari që e ka ndjekur Berishën “hap pas hapi”
Ish-kryeministri Sali Berisha zhvilloi ditën e sotme Foltoren në qytetin e Lezhës, e 13-ta që nga fillimi i kësaj “fushate”.
Në çdo qytet ai është pritur nga qndra simpatizantë, ndërkohë që në krah të tij kanë qenë edhe deputetë, ish-deputetë dhe kryetarë degësh.
Por një qytetar nga Lushnja e ka ndjekur Berishën në të gjitha Foltoret. Ai u shpreh për Syri Tv se e cilëson lëvizjen e Berishës si mundësinë e fundit për të shpëtuar fatet e Shqipërisë.
“Vij nga Lushnja e Kongresit, e kam ndjekur Doktor Berishën në 12 foltoret e zhvilluara deri tani. E kam ndjekur që 15 vjeç në 1991, kur Doktori doli për liri dhe demokraci.
Sot është tradhti kombëtare të mos vesh pas Doktor Berishës në këtë situatë që ndodhet PD dhe opozita shqiptare që është aset kombëtar dhe në gjendjen që e ka çuar Lulzim Basha është katastrofë.
Të mos shkosh pas Doktor Berishës duhet të jesh shumë i vogël, shumë i cekët. Doktor Berisha ka fatet e Shqipërisë në dorë sot si në 1920 që e patën burrat e Kongresit të Lushnjes, patriotët e mëdhenj të cilët fatet e Shqipërisë i vendosën në Lushnje.
Edhe Doktor Berisha ka fatet e kombit sot pasi opozita ndodhet në udhëkryq të madh dhe i vetmi shpëtim i kombit shqiptar dhe të djathës është Sali Ramë Berisha”, u shpreh qytetari.