BOTALIFESTYLE & SHOWBIZ
“Kam frikë nga Covid por s’mbaj kurrë maskë”, humb jetën nga virusi ikona e Rock N Roll në SHBA
Ndahet nga jeta në moshën 74-vjeçare, ikona amerikane e Rock ‘n Roll, Michael Lee Aday, i njohur me emrin e artit Meat Loaf.
Këngëtari ndërroi jetë i rrethuar nga familjarët e tij. Ai u sëmur rëndë pasi u prek nga Covid-19.
Në një intervistë gjatë vitit të kaluar, Meat Loaf zbuloi se kishte “shumë frikë” nga koronavirusi, por nuk pranoi kurrë të mbante maskë. Është e paqartë nëse ai ishte i vaksinuar.
“Nëse vdes, vdes”, kishte deklaruar ai një vit më parë.
Meat Loaf lindi në Dallas të Teksasit. Ai është i njohur për trilogjinë e famshme “Bat Out of Hell”, si dhe me baladën rock “I’d Do Anything For Love”, duke arritur të shesë më shumë se 65 milionë albume në mbarë botën.