“Kam paguar 1 milionë e gjysmë lekë”, Rama përplaset me gazetarin: Kjo është injorancë, si s’të vjen zor (DEBATI)
Kryeministri Edi Rama ka bërë dozën e tretë të vaksinës kundër Covid, ku më pas ka folur edhe për median.
Rama ka pasur një debat me gazetarët, të cilët janë ankuar se përse në Shqipëri nuk quhet imunizimi natyral, teksa njëri prej tyre tha se nëna e e tij ishte sëmurë rëndë edhe pse kishte bërë vaksinën dhe se kishte shpenzuar 1 milion e gjysmë lekë.
Ndërsa Rama i nervozuar iu drejtua “të vijë turp”, teksa tha se në atë moment të gjithë duhet të japin mesazhe për vaksinimin dhe jo të shtojnë konfuzionin.
Pjesë nga debati:
Rama: Flasim për një forcë të errët që ka mbuluar botën dhe duhet të përcjellim mesazhe për vaksinimin.
Rama: Je i vaksinuar ti?
Gazetari: Jo e kam kaluar dy herë…
Rama: Prandaj flet kështu ti, vaksinohu se s’do hysh në konferenca.
Gazetari: Mund ta kaloj edhe tre herë dhe katër herë madje…Nëna ime e vaksinuar dhe u sëmur rëndë zoti kryeministër. Kam paguar 1 milion e gjysmë
Rama: Kjo është injoranca dhe kjo është marrëzia. Si s’të vjen zor
Gazetari: Mua t’më vi zor e kam kaluar nën lëkur…
Gazetari: Nuk është injorancë se unë e njoh shumë mirë se kam 20 muaj që e ndjek këtë gjë.
Gazetare Ambroze: Ka edhe persona që kanë bërë vaksinën edhe e kanë humbur jetën
Rama: Kjo është injorancë e madhe, vaksina nuk të mbron nga infektimi. Vaksina nuk i shpëton jetën po shikoni shifrat se janë këta. Sa janë shifrat. Dhe është e turpshme kjo dhe është fjala për jetën e njerëzve.
