“Kur je komshi ”, Rama takon Leonardo Di Caprion: Na lidh mbrojtja e Vjosës
Kryeministri Edi Rama gjatë konferencës së OKB-së mbi ndryshimet kimatike COP26, e cila po mbahet në Skoci ka takuar aktorin e famshëm hollivudian, Leonardo Di Caprion, i cili njihet për mbrojtjen e natyrës me fanatizëm.
Në rrjetet e tij sociale kryeministri ka postuar një foto të shkrepur gjatë momentit teksa ishte duke biseduar me Di Caprio-n për çështjen e lumit Vjosa.
Krah fotos Rama shkruan se: Kur je komshi me Leonardo Di Caprion dhe të lidh mbrojtja e Vjosës😀😍 @leonardodicaprio.
Kujtojmë se aktori më herët i është bashkuar apelit dhe fushatës për mbrojtjen e lumit Vjosa në Shqipëri.
Në rrjetet e tij personale, Di Caprio, shpesh herë ka postuar pamjet e lumit Vjosa ku i ka ftuar qytetarët që të firmosin peticionin për mbrojtjen e lumit.
