AKTUALITET

Kush janë 4 kandidatët në garë për kreun e RTSH-së, mes tyre dhe gazetaria nga Fieri Laureta Roshi

4 janë emrat e miratuar nga Këshilli Drejtues i Radio Televizionit Shqiptar, për të qenë në krye të televizionit të vetëm publik.

Mësohet se emrat e përzgjedhur janë Enkelejd Joti, Iris Luarasi, Moza Haxhiaj dhe Laureta Roshi, të cilët kanë plotësuar dhe kriteret e nevojshme për të qenë pjesë e garës.

Reklama në FieriWeb - Bar "C'est la vie"

Enkelejd Joti tashmë është në krye të QSUT-së, dhe një rikthim në skenën mediatike është i mundshëm, sa kohë që më parë Joti ka drejtuar Top Channel. Emri i tij është i preferuar edhe për kryeministrin Edi Rama, ndërkohë që RTSH vazhdimisht është akuzuar për varësi nga partia në pushtet.

Iris Luarasi, vjen nga bota e shoqërisë civile, pedagoge në Universitetin e Tiranës, në departamentin e gazetarisë dhe komunikimit. Duket se Luarasi ka ambicien që të drejtojë median publike në vend, edhe pse nuk ka eksperiencë në drejtime të ngjashme. Ajo ka qenë kryesisht e fokusuar te çështjet e të drejtave të grave, dhe ka drejtuar disa OJF.

Reklama në FieriWeb - “OAZI I PISHAVE”

Moza Haxhiaj ka mbajtur për disa vite me radhë postin e kryeredaktores në RTSH, dhe ka shprehur ambicien që tashmë të mos jetë vetëm në drejtimin e lajmeve, por në një nivel menaxherial.

Emri i katërt që i është bashkuar garës është ai i gazetares Laureta Roshi, e cila së fundmi raporton nga Fieri për RTSH-në, dhe është angazhuar në disa çështje të prekshme sociale.

Reklama në FieriWeb - "BUZI STORE"
Reklama në FieriWeb - Sisteme Ngrohje "BLLOSHMI"

Gara në RTSH ka nisur pas arrestimit të ish-drejtorit Thoma Gëllçi, nën akuzën e korrupsionit, ndërkohë që postin e drejtuesit e mban përkohësisht Martin Leka, i pavotuar nga Kuvendi. Drejtori i RTSH zgjidhet pas votimit në Kuvend

Reklama në FieriWeb - "Veronesi" Caffe

Related Articles

Leave a Reply

Your email address will not be published. Required fields are marked *

Back to top button