LAJM I FUNDIT/ Makina përplas për vdekje këmbësorin, shoferi braktis “Benzin”, policia e shpall në kërkim (DETAJE)
Një aksident me pasojë vdekjen është regjistruar mbrëmjen e sotme në aksin, Fushë Krujë – Tapizë.
Sipas njoftimit të policisë, makina tip “Benz” ka aksidentuar këmbësorin me iniciale I. M i cili si pasojë e plagëve të rënda ka ndërruar jetë.
Shërbimet e Policisë po punojnë për arrestimin e drejtuesit të mjetit, i cili ka braktisur automjetin dhe është larguar nga vendngjarja.
Grupi hetimor ndodhet në vendngjarje dhe po punon për sqarimin e rrethanave të aksidentit.
Njoftimi i plotë:
Krujë/Informacion paraprak
Me datë 31.10.2021, rreth orës 17:35, në aksin rrugor Fushë Krujë-Tapizë, një mjet tip “Benz” ka aksidentuar shtetasin I. M., këmbësor, i cili si pasojë e përplasjes ka ndërruar jetë.
Grupi hetimor ndodhet në vendngjarje dhe po punon për sqarimin e rrethanave të aksidentit.
Shërbimet e Policisë po punojnë për kapjen e drejtuesit të mjetit, i cili ka braktisur automjetin dhe është larguar nga vendngjarja.