LAJM I FUNDIT/ Pas 5 orësh, RENEA nxjerr trupin e pajetë të biznesmenit Ruzhdi Hoxha nga humnera në zonën e Dajtit
Pas 5 orësh Forcat RENEA kanë bërë të mundur të nxjerrin nga humnera trupin e pajetë të Ruzhdi Hoxhës.
Trupi i Hoxhës u gjet sot në zonën e Dajtit, ndërsa ishte shpallur i zhdukur prej 15 ditësh. Terreni i vështirë ka bërë që RENEA të shkojë në zonë me mjete të posaçme për të bërë të mundur nxjerrjen e trupit të Hoxhës, që kishte filluar të dekompozohej.
Trupi i tij është zbuluar në zonën e Dajtit, në Qafë Mollë, me ndihmën e qenve të Institutit të Policisë dhe si autor akuzohet miku i tij, Ferdinant (Fredi) Rushi, i shpallur në kërkim ndërkombëtar për trafik droge.
Fillimisht është gjetur një xhup i gjakosur dhe më një shenjë plumbi që bëri policinë të thellonte hetimet që cuan deri në gjetjen e trupit të viktimës.
Policia po vijon për hetimet dhe për zbardhjen e plotë të ngjarjes.
