Lajm i mirë për shqiptarët, ky vend heq të gjitha masat anti-Covid
Ministria e Punëve të Jashtme bën me dije se Zvicra ka hequr të gjitha masat anti-Covid për shqiptarët të cilët duan të udhëtojnë drejt këtij vendi.
Përmes një postimi në Facebook, mësohet se duke filluar nga data 2 maj, të gjithë shqiptarët do të kenë mundësi të hyjnë në Zvicër pa pasur nevojë për test PCR apo pasaportë vaksinimi.
“Ministria për Evropën dhe Punët e Jashtme njofton se autoritetet zvicerane kanë hequr të gjitha masat shtrënguese për shtetasit shqiptarë që udhëtojnë drejt Zvicrës.
Ky vendim hyn në fuqi nga data 2 maj 2022, duke rikthyer kështu aplikimin e regjimit për hyrje-dalje nga territori i Konfederatës së Zvicrës në periudhën para pandemisë.
Për informacione më të detajuara për të gjitha udhëtimet jashtë vendit, vizitoni linkun e MEPJ”, thuhet në njoftim.
