Lulzim Basha nuk duron më, ia thotë troç Berishës: Ka vetëm një dosje, është çështja jote “NON GRATA” nga SHBA
Kryedemokrati Lulzim Basha i ka kthyer përgjigje akuzave të Sali Berishës për dosjet “Muzin” dhe “Toyota Yaris”. Basha thotë se trillimet dhe shpifjet nuk e zgjidhin dot hallin e Sali berishës.
Sipas tij, ka vetëm një dosje, dhe ajo është çështja “non grata” e Berisëhs nga SHBA. Ai thotë se kjo çështje e ka detyruar Berishën të bjerë kaq poshtë me shpresën se do ta shndërrojë PD-në në mburojë të interesave personale.
“Trillimet e shpifjet nuk e zgjidhin dot hallin e Sali Berishës. Ka vetëm një dosje, ka vetëm një çështje dhe ajo është çështja NON GRATA nga SHBA.
Është kjo çështje që e detyron Sali Berishën të bjerë kaq poshtë me shpresën se do ta shndërrojë PD-në në mburojë të interesave personale. Nuk ka gjë më të ulët se të përdorësh demokratët dhe ndjeshmëritë e tyre si mish për top për hallin tënd personal”, shkruan Basha.
