BOTA
Makina hyn në mes të turmës/ 5 të vdekur dhe dhjetra të plagosur të pafajshëm (Video)
Një ngjarje e rëndë ka ndodhur në SHBA, ku të paktën 5 persona kanë vdekur si pasojë e një sulmi me makinë. Ngjarja ka ndodhur në Wisconsin, ku një makinë që hyri mes turmës së njerëzve vrau 5 persona dhe plagosi 40 të tjerë.
Sipas mediave të huaja, një makinë e kuqe SUV ka kaluar mes paradës së krishtlindjeve në qytetin e Ëaukesha, në perëndim të Milwaukee.
Shefi i policisë Dan Thompson ka bërë me dije se sulmi goditi dhjetëra njerëz, përfshirë fëmijë. Ndërkohë deri më tani nuk ka asnjë informacion në lidhje me përgjegjësit e këtij sulmi.
Gjithashtu mediat e huaja shkruajnë se në lidhje me sulmin policia ka qëlluar në drejtim të makinës në përpjekje për ta ndaluar atë. Ndërkaq pjesë e hetimit është bërë edhe FBI.