Ministria e Jashtme publikon rregullat e reja për shqiptarët që udhëtojnë në Greqi, edhe nëse janë të vaksinuar nuk hyjnë dot nëse…
Ministria e Jashmte e Shqipërisë ka publikuar rregullat e reaj të hyrjes në Greqi për shtetasit shqiptarë. Në njoftimin e bërë thuhet se edhe në qoftë se janë vaksinuar, nuk mund të hyjnë dot në shtetin fqinj nëse nuk paraqesin dy teste të bëra së fundmi.
Njoftimi i Plotë:
Ministria për Evropën dhe Punët e Jashtme njofton se Greqia ka shtyrë masat aktuale anti-Covid deri më datë 24 janar 2022.
Të gjithë shtetasit shqiptarë që udhëtojnë drejt Greqisë, pavarësisht kombësisë, pavarësisht në qoftë se janë të vaksinuar ose kanë qenë të diagnostikuar me COVID-19, janë të detyruar të paraqesin:
➡️ Test negativ PCR, kryer brenda 72 orëve, përpara udhëtimit.
OSE
➡️ Test të shpejtë antigjenik, kryer brenda 24 orëve para udhëtimit.
✅Të gjithë udhëtarët që hyjnë në territorin e Republikës së Greqisë, duhet të plotësojnë formularin elektronik PLF (Passenger LocatorForm), në adresën elektronike 👉 https://travel.gov.gr, me të dhënat e tyre të kontaktit në Greqi, përpara mbërritjes.
✅ Masa vlen për të rriturit dhe fëmijët mbi 5 vjeç, pavarësisht nga vaksinimi.
ℹ️ Pikat kufitare të Kakavisë, Kapshticës dhe Qafbotës funksionojnë gjatë 24 orëve. Pika kufitare e Tre Urave funksionon nga ora 08:00 deri në orën 20:00.
