Ndalohet per shperdorim detyre inspektori i AKU FIER
Fier
Vihen në pranga 2 shtetas të shpallur në kërkim për vepra të ndryshme penale.
-Nga specialistët për Hetimin e Krimit Ekonomik e Financiar në DVP Fier, në bashkëpunim me Prokurorinë pranë Gjykatës së Shkallës së Parë Fier, u bë ndalimi për veprat penale “Shpërdorim detyre” dhe “Falsifikimi i dokumentave” për punonjësin e AKU Fier, shtetasin e shpallur në kërkim policor M. K., 48 vjeç, banues në Fier.
Ndalimi i këtij shtetasi u bë pasi Gjykata e Shkallës së Parë Fier me vendimin e datës 18.11.2021 ka vendosur masën e sigurisë “Arrest në burg” për veprat penale “Shpërdorim i detyrës” dhe “Falsifikim i dokumentave”.
Gjithashtu, Gjykata e Shkallës së Parë Fier ka vendosur masën e sigurisë “Detyrim për tu paraqitur në policinë gjyqësore”, masë ndaluese “Pezullimi i ushtrimit të një detyre a shërbimi publik” për veprat penale “Shpërdorim i detyrës” dhe “Falsifikim i dokumentave” për shtetasen D. S., 33 vjeçe, banuese në Fier.
Të dy këta shtetas, me detyrë inspektorë terreni pranë Autoritetit Kombëtar të Ushqimit, Dega Rajonale e Qarkut Fier, dyshohet se në bashkëpunim me njëri tjetrin, me veprimet e tyre kanë shpërdoruar detyrën gjatë kontrollit të ushtruar në datat 13.09.2021 dhe 14.09.2021 në subjektin e shtetasit E. M.
Materialet i kaluan Prokurorisë për veprime të mëtejshme procedurale.
-Po nga strukturat e Krimit Ekonomik e Financiar në bashkëpunim me Komisariatin e Policisë Fier u kap shtetasi i shpallur në kërkim R. Ç., 20 vjeç, banues në Patos, për të cilin Gjykata e Shkallës së Parë Elbasan ka dhënë masën e sigurisë “Arrest me burg” për veprën penale “Organizimi lotarive të pa lejuara”.
20-vjeçari do i dorëzohet shërbimeve të DVP Elbasan për veprime të mëtejshme.
