AKTUALITET
Në prag të festave, Ministria e Shëndetësisë këshillon qytetarët: Respektoni masat anti-Covid, shmangni grumbullimet!
Në prag të festave të fundvitit, ministria e Shëndetësisë dhe Mbrojtjes Sociale ka një thirrje për qytetarët. Ministria ka publikuar një udhëzim ku këshillon qytetarët që të respektojnë masat anti-Covid-19 me qëllim ndalimin e përhapjes së varianteve të reja të koronavirusit.
Përmes një postimi nën Facebook, ministria udhëzon qytetarët të vaksinohen kundër Covid-19, të mbajnë maskën mbrojtëse dhe të ruajnë distancën, si dhe të shmangin grumbullimet e të ajrosin ambientin që i rrethon.