Nga Princ Leka, te Jorida Tabaku dhe ish-ministra e ish-ambasadorë, këta janë EMRAT e kandidatëve për presidentë të propozuar nga Grupi Parlamentar i PD-së
Ashtu siç u dakordësua ditën e djeshme në Konferencën e Kryetarëve, Grupi Parlamentar i PD ka propozuar tre emrat për Presidentë të Republikës së Shqipërisë.
Në mbledhjen e sotme, të thirrur nga Enkelejd Alibeaj u propozuan këta emra:
–Leonard Demi
–Arben Çejku
-Dritan Demiraj
–Dashamir Shehi
–Jorida Tabaku
-Rexhep Uka
-Halim Kosova
-Princ Leka
-Visar Zhiti
-Lajla Pernaska
Ditën e djeshme, Fatmir Mediu dhe Agron Duka thanë se një nga emrat që duan për president është dhe politikani i njohur, Dashamir Shehi.
Deputeti i Partisë Demokratike, Ferdinand Xhaferraj ka propozuar gjatë mbledhjes së sotme, emrin e Leonard Demit, si kandidat për President.
Kujtojmë se Demi ka qenë deputet i Partisë Demokratike nga viti 2005 deri në 2009.
Ai ka qenë gjithashtu ambasador i Shqipërisë në NATO gjatë kohës së qeverisjes së kryeministrit Edi Rama.
Mësohet se deputeti i Kukësit, Flamur Hoxha, ka propozuar Arben Çejkun si kandidat për President të Republikës së Shqipërisë. Ky i fundit ka qenë ish-ambasador i Shqipërisë në Maqedoni.
Deputetja Dhurata Çupi ka propozuar emrin e Princ Lekës si kandidat për President.
Bledion Nallbati ka propozuar Dritan Demirajn si kandidat të mundshëm për të qenë në krye të shtetit. Ai ka qenë ish-ministër i Brendshëm dhe ish-komandant i Forcave Speciale të Shqipërisë.
Ndërkohë, deputeti i Lushnjës, Saimir Korreshi ka dhënë si alternativë të kandidaturave për President emrin e Visar Zhitit.
Kreshnik Çollaku ka propozuar Dashamir Shehin dhe Jorida Tabakun, ndërsa Xhelal Mziu ka propzozuar për Presidentë të Shqipërisë Halim Kosovën, Rexhep Ukën dhe Tritan Shehun.
