AKTUALITET
Nuk ndalet “furtuna” në Policinë e Shtetit, Gledis Nano firmos ndryshimet e reja, lëvizin Zv.drejtorë e shefa krimesh
ndryshime të tjera në radhët e policisë. Burime për newsbomb.al bëjnë me dije se bëhet fjalë për ndryshime në nivel zv.drejtorash dhe shefa krimesh në Drejtorinë e Policisë së qytetit të Korçës.
Këto ndryshime vijnë vetëm disa ditë pas atyre të javës së kaluar ku 12 drejtori vendor, përfshirë ato të kufirit dhe migracionit u emëruan drejtues të rinj.
Ngjarjet e fundit ku disa efektivë të policisë së Korçës u pezulluan nga detyra pasi u akuzuan për shpërdorim detyre, gjithashtu vrasja në Fier dhe grabitja në Fushë Krujë, duken se kanë vënë në lëvizje drejtorin e ri.
Këto vendime të marra priten që të bëhen me dije për publikun në orën 13:00 të ditës së sotme ku kreu i Policisë së Shtetit, Gledis Nano, do të dalë në një deklaratë për mediat.