BOTACOVID-19

Pas Austrisë dhe Gjermanisë, tjetër shtet europian kërkon të bëjë me detyrim vaksinën anti-Covid

Qeveria në largim e Çekisë po planifikon të urdhërojë vaksinimin e personave mbi moshën 60 vjeçare si dhe të bëjë vaksinimin e detyrueshëm për një grup profesionesh.

Kështu ka bërë të ditur Ministri i Shëndetësisë, Adam Vojtech të premten (më 3 dhjetor). Por, është e paqartë nëse masat do të vihen në fuqi nga pasardhësi i tij.

Reklama në FieriWeb - Bar "C'est la vie"

Vojtech tha se ministria e tij do të marrë vendimin që e bën vaksinimin e detyrueshëm për personat mbi moshën 60 vjeç si dhe stafin mjekësor, policët, zjarrfikësit dhe studentët e mjekësisë.

Ky urdhër do të ishte i paraparë të hyjë në fuqi në mars por mund të mos ndodhë kështu.

Reklama në FieriWeb - “OAZI I PISHAVE”

Administrata aktuale me kryeministrin Andrej Babis do të zëvendësohet nga një qeveri e re e formuar nga pesë parti që ka fituar zgjedhjet parlamentare në tetor dhe do të udhëhiqet nga kryeministri, Petr Fiala.

Qeveria e re pritet që të marrë detyrat e saj formalisht më vonë këtë muaj.

Reklama në FieriWeb - "BUZI STORE"
Reklama në FieriWeb - Sisteme Ngrohje "BLLOSHMI"

Koalicioni dhe Ministri i caktuar i Shëndetësisë, Vlastimil Valek, e kundërshtojnë vaksinimin e detyrueshëm për të moshuarit dhe mund ta anulojnë vendimin e qeverisë aktuale sapo të hyjë në fuqi.

Deri më tani, vetëm 59.6 për qind e popullsisë 10.7 milionëshe në Çeki janë vaksinuar plotësisht. Sipas anketës së fundit të publikuar të premten (3 dhjetor), më shumë se 20 për qind e çekëve janë kundër vaksinimit.

Reklama në FieriWeb - "Veronesi" Caffe

Ky shtet po përballet me një rritje rekorde të infektimeve me koronavirus. Rastet ditore arritën një shifër më të lartën deri më tani, me afër 28 mijë raste javën e kaluar.

Fiala u betua si kryeministër të dielën për ta udhëhequr një qeveri 18 anëtarëshe./RE

Related Articles

Leave a Reply

Your email address will not be published. Required fields are marked *

Back to top button