AKTUALITET
Policia merr masa për sigurinë e PD, një autobot me ujë pozicionohet në selinë blu (FOTO)
Policia e Tiranës ka filluar të përgatitet dhe të marrë masa për Kuvendin e PD që do të mbahet nesër në ambientet e stadiumit “Air Albania”, i thirrur nga ish-kryeministri Sali Berisha. Masa po merren edhe në selinë blu.
Para stadiumit dhe pranë selisë së PD-së janë vendosur autobotë me ujë, të cilët mund të përdoren për shpërndarjen e turmës në rast përplasje. Gjatë ditës së nesërm, punonjës të Policisë dhe civilë do të jenë në terren për të monitoruar situatën dhe për të shmangur çdo lloj tentative për trazira.
Pak më herët ish-kryeministri Sali Berisha ftoi të gjithë delegatët dhe demokratët që të marrin pjesë në Kuvend, edhe ata të cilët nuk kanë firmosur, pasi takimi do të jetë i hapur për të gjithë.
