Pronarët nuk bien dakord me shumën e shpronësimit, Sarajet e Toptanëve rrethohen nga policia
Sarajet e Toptanëve i kaluan Bashkisë së Tiranës me një vendim të Këshillit të Ministrave, teksa u vendos edhe sh[pronësimi i pronarëve.
Por pikërisht këta të fundit kanë shkuar pranë pronës së tyre mbrëmjen e sotme, pasi Policia Bashkiake rrethoi godinën për ta marrë në administrim.
Pronarët kanë kërkuar që të bisedojnë me bashkinë ose Ministrinë e Klulturës, pasi nuk bien dakord me shumën që do të përfitojnë.
Sipas VKM-së, vlera paraprake e shpronësimit është 178 694 456 (njëqind e shtatëdhjetë e tetë milionë e gjashtëqind e nëntëdhjetë e katër mijë e katërqind e pesëdhjetë e gjashtë) lekë.
Pretendimi i parë është që bashkia, ministria e Kulturës të flasë me ne. Jemi njerëz që mund të merremi vesh, të ulemi në tavolinë siç u ulën me Kadarenë dhe Agollin.
Na kanë injoruar. Jemi të diskirminuar, pse duhen gjithë këto policë. Ne kemi filluar me ankesat tona, duam të bëhet në mënyrë ligjore. Nëse do t’i shërbejë vendit, le t’i shërbejë, por jo kështu. Kërkojmë vlerën reale nëse duan ta marrin…”, u shpreh njëri prej pronarëve.