Qindra mbështetës dhe festë e madhe, Britney Spears “e lirë” nga babai pas 13 vjetësh
Britney Spears, këngëtarja e njohur e popit, ka fituar pas 13 vitesh “lirinë ” pasi një Gjykatë në Los Anxheles ka vendosur t’i heqë kujdestarinë e shumëpërfolur babait të saj.
“Mendoj se do të qaj”, u tha ajo 35 milionë ndjekësve të saj në Instagram, ndërkohë jashtë gjykatës ishin mbledhur qindra mbështetës të saj, të cilët festonin me këngë, flamuj dhe pankarta me mbishkrimin “Britney e lirë”.
“Jeta e saj ishte një rrëmuje! Ajo ishte e shqetësuar fizikisht, emocionalisht, nga shëndeti mendor dhe financiar,” thanë avokatët që përfaqësonin babain e saj, Jamie Spears në dosjet e mëparshme gjyqësore. Edhe vetë Jamie kishte rënë dakord që Britney të merrte kontrollin e jetës së saj.
Babai i saj kishte fuqi mbi financat e saj dhe vendimet e karrierës, plus çështje të mëdha personale, të tilla si vizitat e saj me djemtë e saj adoleshentë dhe nëse ajo mund të rimartohej.
