POLITIKË

Rama shpalli krizë energjitike/ Reagon me urgjencë Basha: Tellalli i së keqes doli sot për të larë duart para shqiptarëve (7 pika për dalje nga kriza)


Pas konferencës për shtyp të kryeministri Edi Rama i cili deklaroi se e gjithë bota po përfshihej nga një krizë energjitike dhe kjo do të përfshinte edhe vendin tonë, ka ardhur reagimi urgjent nga kryedemokrati Lulzim Basha. 

Reklama në FieriWeb - Bar “C’est la vie”

Basha ka thënë se kjo krizë përshqiptarët kishte filluar që prej 8 viteve dhe shtoi se në raste të tilla qeveria gjithmonë kishte shfrytëzuar këto fatkeqësi si në rastin e tërmetit apo gjatë pandemsië.
Më tej, Basha renditi disa pika të cilat PD i konsideron si të domosdoshme për t’u aplikuar në mënyrë që kriza të mos prekë edhe më thellë qytetarët shqiptarë.

Reklama në FieriWeb - “BLETA PREMIUM”

Kryetari i PD Lulzim Basha

Reklama në FieriWeb - “AUTOSHKOLLA SHPATA”

Tellalli i së keqes doli sot për të larë duart para shqiptarëve, për atë që po përgatit për ta, rritjen e mëtejshme të çmimeve të energjisë, ndërsa tashmë të gjitha cmimet janë rritur ndjeshëm duke pamundësuar për qindra mijëra shqiptarë të përballojnë nevojat bazë.
Vërtet bota po përballet tani, por shqiptarët kanë 8 vite që përballen me çmimet më të larta në rajon e ndër më të lartat në Europë, të energjisë dhe karburantëve.
Në ato vende ku ndodhin rritje të diktuara nga tregjet ndërkombëtare, qeveritë e përgjegjshme u vijnë në ndihmë qytetarëve të tyre.
Por a mund të ndodhë kjo më këtë qeveri?
Shqiptarët e dinë mirë që jo.
Ata e kanë parë se si në momentet më të vështira të këtyre viteve, kjo qeveri dhe ky kryeministër i ka braktisur.
Kështu ndodhi me tërmetin, kështu ndodhi me pandeminë.
Shqiptarët e kanë parë se si fondet e rindërtimit u përdorën për të majmur ortakët e Edi Ramës, dhe po këto fonde të jepeshin jo për njerëzit në nevojë , por për të marrë në këmbim votën e tyre.
Shqiptarët e kanë vuajtur në lëkurën e tyre braktisjen gjatë pandemisë, kur babëzia e kësaj pakice të korruptuar dha ndihmën më të ulët ekonomike në Europë, duke shkaktuar rritjen më të madhe të jetëve të humbura në kontinent, varfëri dhe papunësi.
Me këtë bilanc të zi, me këtë qeverisje që fatkeqësitë e njerëzve i kthen në gosti milionash për ortakët e tij, detyra jonë si opozite është të ushtrojmë, edhe me ndihmën e qytetarëve, të gjithë presionin e duhur që askush të mos braktiset, askush të mos vuajë makutërinë e kësaj pakice. 

Reklam në FieriWeb - “VEGA SOLAR”

Ndaj prioritetet në këtë moment të parë janë të qarta dhe të domosdoshme:
1- Heqja e taksës Rama prej 240 lekë për litër karburanti;
2- ulja e TVSH-së nga 20% në 6% për ushqimet, ashtu siç kemi kërkuar prej javës së parë në kuvendin e Shqipërisë;
3- Faturimi me çmime dhe sasinë reale të konsumit të oligarkëve të cilët favorizohen në kurriz të konsumatorëve;
4- Subvencionim i çmimit të energjisë për qytetarët;
5- Mirëmenanxhim dhe ndalje e shpenzimeve të shfrenuara, luksoze të OSHEE dhe KESH, që janë kthyer në zhvatës të parave të shqiptarëve.
6- Ristrukturim të buxhetit për tu përballur me një krizë që nuk mund të ndalet me propagandë dhe fjalime.

7 – Më shumë para për shtresat në nevojë dhe ristrukturim të ekonomisë aktuale, e cila për shkak të politikave të kësaj qeverie është e varur nga paraja e pisët dhe monopolet e oligarkëve. 

Reklam në FieriWeb - “BREGU CLIMA”

Të dashur qytetare dhe qytetarë,
Nisur nga eksperiencat e hidhura që përmenda pak më parë, vetëm këmbëngulja jonë e përbashkët i pamundëson këtij kryeministri dhe kësaj pakice të korruptuar të përdorë fatkeqësitë tuaja për t’u pasuruar vetë dhe miqtë e tyre.
Shqipëria është e juaja, jo e një pakice.

Related Articles

Back to top button