Sali Berisha shthur gojën: Edvin Kristaq Rama, bastard që mban Lulzim Bashën kryetar të PD! E mbron me gardistë e kriminelë
Ish-kryeministri Sali Berisha ndodhet sot në Mirditë, ku po takohet me demokratët në kuadër të “Foltores”. Berisha ka shthurur gojën kur ka folur për kryeministrin Edi Rama, duke e quajtur atë “bastard” që mban Lulzim Bashën në krye të PD.
“Edvin Kristaq Rama, ky bastard i bllokmenëve hoxhistë e mban atë si kryetar të PD (Lulzim Bashën), e rrethon me një hordhi gardistësh e me kriminelë e banditë për ta mbrojtur. Pra, ky bën lojën më makabre për lirinë e shqiptarëve. Lojë makabre me pseudopluralizmin”, u shpreh ndër të tjera Sali Berisha.
Nën ovacionet e sallës që thërriste “Berisha, Berisha, Berisha”, ish-kryeministri tha se pushteti i tanishëm duhet “shporrur”.
“Këta do shkelmojnë çdo votë tonën dhe duhet ta shporrim nga pushteti këtë bandë kriminale. Ne jemi sot në një moment kritik dhe ose do t’i themi lirisë liri ose ne do rrokullisemi në honet e historisë dhe ky vend do boshatiset çdo muaj, çdo vit, më shumë. Shqipëria është në një agresion të krimit si kurrë më parë”, u shpreh Sali Berisha.
