Dy shtetas shqiptarë janë arrestuar nga policia greke pasi janë kapur me një sasi të konsiderueshme kanabis sativa në kufirin greko-shqiptar.
Policia greke bën me dije se në pranga ra drejtuesi i mjetit dhe pasagjeri, përkatësisht 33 dhe 28 vjeç.
Sipas mediave vendase mësohet se gjatë operacinit policia greke gjeti brenda automjetit dhe sekuestroi 2 çanta me 41 pako që përmbanin 43 kg e 100 gram marijuana.
Gjithashtu gjatë kontrollit të automjetit u gjetën dhe sekuestruan 2 celularë dhe 3 karta SIM.
