“Pa pjesëmarrjen e 6 shteteve të rajonit, “Open Balkan” nuk do të ketë sukses”, kështu është shprehur i dërguari i SHBA-së për Ballkanin, Gabriel Escobar.
“Mbështetja për “Open Balkan” do të bëhet në bazë të tre kushteve që nisma të jetë hapur për të gjithë për anëtarësim të barabartë dhe jo shpërqendrim nga aspiratat europiane. Pa të 6-ta vendet nuk mund të ketë sukses” deklaroi Escobar.
Kryeministri Edi Rama në fjalën e tij online nga Tirana, pasi nuk ishte i pranishëm fizikisht u shpreh se nisma do të vazhdojë edhe pa pjesëmarrjen e të gjitha vendeve, pasi nuk mund t’i bindin.
“Nuk varet nga ne të bindim dikë që “Open Balkan” është i hapur. Duhet të ecim përpara, nuk mund të presim. Varet nga gjithkush që të marrë vendimet e veta. Ne thjeshtë po zbatojmë procesin e Berlinit. Gjithkush të vendosë në mënyrë të pavarur cfarëdo do për vendin e vet” tha ai.