AKTUALITET
Shpërthimi që ngjalli panik në Fier, cili është pronari i banesës ku u vendos lënda plasëse “C4” (EMRI)
Një shpërthim me lëndë plasëse të llojit “C4” ka ndodhur në qytetin e Fierit ku sipas njoftimit zyrtar të policisë në banesën e vendosur nuk ka pasur persona që po jetonin aty aktualisht.
Lënda plasëse është vendosur në katin e katërt të pallatit dhe shpërthimi ka alarmuar banorët të cilët kanë dalë të gjithë menjëherë jashtë banesave.
Sipas burimeve, bëhet me dije se pronari i shtëpisë ku është vendosur lënda plasëse është shtetasi Asqeri Hyskaj i cili jeton jashtë vendit prej më shumë se 10 vitesh. Nuk dihen ende motivet e kësaj ngjarje. Por deri më tani policia ka rrethuar zonën me shiritin e sigurisë dhe po punon për zbardhjen e identitetit të autorëve.
