Skandali me publikimin e pagave, ja kush e kryeson listën në radhët e politikanëve
Sot qarkulloi në medie databaza me të dhënat dhe rrogat e e 637.138 qytetarëve shqiptarë. Lista kryesohet nga politikanët, duke filluar nga presidenti Ilir Meta, i ndjekur më pas nga kryeministri Edi Rama.
Kreu i Shtetit Ilir Meta rezulton me pagën më të lartë, i cili merr 257 000 mijë lekë, i ndjekur nga Rama me një pagë prej 228 730 lekë.
Databaza me të dhënat e qytetarëve të punësuar në sektorin privat dhe publik, shoqëruar me kartat e tyre të identitetit, pozicionin e punës dhe rrogën përkatëse u be publike mbrëmjen e djeshme.
1.Ilir Meta-257 000 mijë lekë
2.Edi Rama-228 730 mijë lekë
Publikimi i të dhënave shkaktoi reagime të shumta, ndërkohë presidenti Meta u bëri thirrje organeve të drejtësisë që nisin menjëherë hetimet për rrjedhjen e të dhënave private të mijëra qytetarëve shqiptarë.
Ndërkaq Qeveria e ka mohuar një gjë të tillë, duke thënë se databaza që qarkullon në WhatsApp, është e ndryshme nga ajo që përdor institucioni dhe nuk përmban fushën “Emri i Plotë”. Në njoftimin e qeverisë bëhet me dije se po përgatitet një denoncim zyrtar në prokurori, lidhur me zbardhjen e “kësaj ndërhyrjeje kriminale në databazën e pagave të qytetarëve të Republikës së Shqipërisë.