Takohet sot me demokratët e Tropojës, Sali Berisha nuk e fsheh entuziazmin: Drejt vendlindjes, rroftë Malsia e Gjakovës
Ish-kryeministri Sali Berisha do të mbajë sot foltoren e radhës. Në orën 16.30, Berisha ka ftuar demokratët e Tropojës që ta presin në Pallatin e Kulturës për një PD më të fortë, më të bashkuar dhe më të hapur.
“…diten e merkure, me daten 1 dhjetor, ne ora 16:30 ne Pallatin e Kultures te qytetit Bajram Curri do mbahet “Foltorja: Per nje Parti Demokratike me te bashkuar, me te forte, me te hapur”. Ftoj te gjithe demokratet dhe demokratët e Tropojes te marrin pjese. Vetem te bashkuar fitojme”, shkroi Berisha dje.
Mëngjesin e kësaj të mërkure Sali Berisha ka publikuar një video nga fushata elektorale e vitit 2013, në qytetin e Bajram Currit, ku është pritur nga qindra tropojanë. Edhe vetë ish-kryeministri nuk e fsheh entuziazmin. “Drejt Vendlindjes! Rrofte Malsia e Gjakoves”, shkruan ai dhe ndan videon e mëposhtme.
