Të shtëna me armë zjarri pranë portit të jahteve në Orikum, dërgohet në spital një i plagosur, reagon policia.
Në orët e vona të mbrëmjes së sotme është raportuar për të shtëna me armë në Orikum në afërsi të Portit të Jahteve. Burime nga policia bëjnë me dije se konflikti ka ndodhur mes 2 personave dhe në vendin e ngjarjes janë gjetur gëzhoja arme.
Vlorë/Informacion paraprak
Në afërsi të portit të jahteve, Orikum, dyshohet se si pasojë e një konflikti të çastit është dëmtuar dyshohet me sende të forta nga persona ende të paidentifikuar, shtetasi E. Sh., 37 vjeç, i cili ndodhet jashtë rrezikut për jetën. Dyshohet se njëri prej personave të përfshirë në konflikt ka qëlluar një herë me armë zjarri në ajër.
Shërbimet e Policisë kanë shkuar menjëherë në vendngjarje, ka rrethuar zonën dhe vijon krehja e saj për kapjen e autorit/ve.
Grupi hetimor vijon punën për zbardhjen e plotë të rrethanave të ngjarjes.