KOMBËTARJASPORT
Tjetër medalje për Shqipërinë, Briken Calja “rrëmben” të argjendtën në stilin e shtytjes, e mbyll garimin si NËNKAMPION BOTE
Briken Calja ka arritur të marrë një tjetër medalje në Kampionatin Botëror të Peshëngritjes që po zhvillohet në Uzbekistan.
Pasi u shpall kampion bote në stilin e shkëputjes me 156 kg, shtangisti nga Elbasani është renditur i dyti në stilin e shtytjes, pasi ka ngritur 186 kg, 6 më pak se vendi i parë. Ai e ka mbyllur gartimin si nënkampion bote në dygarësh.
Ndërsa peshëngritësi tjetër Erkand Qerimaj nuk arriti të futej në zonën e medaljeve. Pas vendit të katërt në “shkëputje”, ë stilin e shtytjes peshëngritësi nuk u paraqit shumë mirë, duke ngritur 180 kg në provën e dytë.