Tragjike në Durrës, aksidentohen dy të rinj. Njëri vdes, tjetri në gjendje të rëndë
Një aksident i rëndë ka ndodhur rreth orës 5 të mëngjesit të sotëm në Durrës, ku për pasojë një 23-vjeçar ka humbur jetën dhe një tjetër ka mbetur i plagosur.
Aksidenti ka ndodhur në aksin rrugor Plepa-Romanat, mjeti tip “Benz” me drejtues shtetasin E. K., 23 vjeç, ka humbur kontrollin dhe është përplasur me një plep.
Për pasojë ka humbur jetën pasagjeri me iniciale G. H., 23 vjeç, dhe drejtuesi i mjetit është dërguar në spital në gjendje të rëndë për jetën.
Njoftimi i policisë:
Me datë 10.11.2021, rreth orës 05:00, në aksin rrugorë Plepa-Romanat, mjeti tip “Benz” me drejtues shtetasin E. K., 23 vjeç, ka humbur kontrollin dhe është përplasur me një plep.
Si pasojë e përplasjes drejtuesi i mjetit ndodhet nën kujdesin e mjekëve në gjendje të rëndë dhe ka ndërruar jetë pasagjeri shtetasi G. H., 23 vjeç.
Grupi hetimor po punon për zbardhjen e rrethanave të aksidentit.