COVID-19

Tragjike/ Në spital për shkak të komplikacioneve nga COVID-19, humb jetën 3-vjeçarja. Dy fëmijë të tjerë nga Berati, pozitiv, nisen drejt Tiranës.


Një vajzë 3 vjeçe nga Berati ka humbur jetën pas komplikacioneve të krijuara nga COVID-19. Ngjarja e rëndë ka tronditur mbarë opinionin publik. Pas qëndrimit disa ditor në intubim, 3-vjeçarja Amaris Polovina gjeti vdekjen mëngjesin e djeshëm në Tiranë dhe trupi i saj i pajetë u transportua drejt qytetit të lindjes, Beratit.

Reklama në FieriWeb - Bar “C’est la vie”

Burime të brendshme të Repartit të Pediatrisë në Spitalin Rajonal Berat, bëjnë me dije se, 3-vjeçarja Polovina kishte mbërritur në këtë repart me temperaturë të lartë rreth orës 11:00 të ditës së diel.

Reklama në FieriWeb - “BLETA PREMIUM”

Ajo është trajtuar nga mjeku pediatër Vanion Çinari me serume dhe antipiretikë, ka kryer analizat e gjakut si dhe i është nënshtruar edhe tamponit, që ka rezultuar “pozitiv”. Meqenëse ka rezultuar e prekur me Covid-19 dhe gjendja e saj nuk ishte e rënduar, mjeku e ka shtruar të miturën në Repartin e Infektivit të Pediatrisë.

Reklama në FieriWeb - “AUTOSHKOLLA SHPATA”

Vetëm disa orë më vonë, e mitura është rënduar në mënyrë të menjëhershme, duke shfaqur komplikacione në rrugët e frymëmarrjes. Sipas mjekëve të pediatrisë, mendohet se fëmija ka pësuar “komplikacion vaskular”.

Reklam në FieriWeb - “VEGA SOLAR”

Mjekët kanë konfirmuar se në vetëm pak orë 3-vjeçarja ka pësuar precipitim të gjendjes shëndetësore, të tipit “aksident vaskular”. Për këtë arsye mjekët e kanë transportuar të miturën me autoambulancë dhe të shoqëruar nga mjeku pediatër Çinari drejt spitalit pediatrik në Tiranë, ku edhe gjeti vdekjen.

Të njëjtat burime brenda Repartit të Pediatrisë Berat konfirmojnë se vetëm ditën e sotme kanë rezultuar “pozitiv” me Covid-19 edhe 2 fëmijë të tjerë, të moshave 2 dhe 3 vjeç e gjysmë, të cilët janë transportuar drejt Tiranës.

Reklam në FieriWeb - “BREGU CLIMA”

Related Articles

Back to top button